Xa remataches o teu Camiño, e agora que? É o momento de volver a casa. Algúns, poucos, retoman o Camiño para volver a casa andando; a maioría fai, en moi pouco tempo, o percorrido que lle custou moitos días de suores ata chegar a Compostela.
Talvez aínda non sexas consciente de que a volta a casa é a etapa máis difícil do Camiño, cando chegues á túa cidade e non atopes nin unha frecha amarela que che indicará por onde tes que ir, cando debas de novo adaptarte á vida ordinaria que, ao comezo do teu Camiño, tanto che custou deixar atrás.
Procura que o teu camiño, as túas dores, todas as experiencias que acumulaches durante estes días non queden no esquecemento; garda todo no teu corazón. 
No hay comentarios:
Publicar un comentario